كان يا ما كان في قديم الزمان وفي سالف العصر والأوان..
مدينة جميلة ، ورائعة وخيالية في نفس الوقت..
قصدها البشر أفرادًا وجماعات على مر الأيام والشهور والسنين..
دي المدينة اسمها "جيران" ، كانت من أجمل المدن ولا تزال..
مدينة هي مفضلة عند الكل ، الصغير قبل الكبير..
بسبب الراحة والحب اللي شافوه هناك واللي قدمته لهم دي المدينة العظيمة..
كل واحد راح للمدينة يبغى ملجأ كانت المدينة تفتح له قلبها وتبنيله بيت على قده عشان يسكن فيه!!
بس المدينة دي غير عن كل المدن التانية ، المدينة دي بيوتها اسمها مدونات..
اتفنن الناس في تزيين بيوتهم وديكورها عشان يحسسوا ضيوفهم وزوارهم بالراحة..
صار كل بيت جيراني هو عالمه الخاص اللي يعيش فيه وعشانه..
بس القصة ما تنتهي عند دا الحد ، لإنه كل جيراني عنده مشوار..
وهنا تبدأ قصتنا العظيمة في مدينتنا العظيمة..
فعلى ضفاف النهر الأخضر سكنت انسانة محترمة أحبها الجميع وكان بيتها بيت يقصده الناس بسبب الحب اللي يشوفوه منها ، كان اسمها حلا..
وعلى رمال عسجدية لـ تلٍ حكيمة سكن شخص قدير يحترمه الجميع كان هو ماجيك كينجدوم..
وبين بتلات وردة جورية سكنت أجمل فتاة عرفها التاريخ ، آرتميس..
وفي سماء المدينة عاشت جارتين قريبتين القلب والفكر ، كانت دايمًا وحدة فيهم تقول للتانية احنا عندنا هارموني واحد :) ، هناك سكنوا بنان وسارة..
وبين أروقة العظماء سكنت توتي بهلوساتها العاقلة ، والكل يزورها عشان روائعها..
وفي استراحته الصيفية الزاهية سكن عبد الرحمن المعروف بصعصع
ويبغالي يمكن عشر سنان كمان عشان أوصف لكم كل بيوت جيران..  :))

طيب نكمّل قصتنا!!
في يوم صافي ومشرق وجميل كنت أتمشى بين البيوت وأزور الجيران ، أمسي وأصبح بالخير عليهم..
صحيح نسيت أقولكم ، الجيران يتمشوا كمان ، كل واحد يتمشى في حوار ودي هي ملاهيهم..
وأنا ماشية في الطريق شفت مفاجأة عظيمة ، شفت سارة الرومانسية تلوح لي وتناديني بأعلى صوتها ودعتني لبيتها الجميل..
دخلت وشفت عندها غرفة حلوة ، كلها حميمية وكلها "سارة"..
قالت لي أبغاك تعملي كمان غرفة تبيّن شخصيتك في فضائك ، غرفة تخلي الناس يتعرفوا بيها عليك..
وأنا ما كدّبت خبر ووافقت على طلبها الحلو..
وأدعوكم كلكم لزيارة غرفتي الجديدة.. يا رب ترتاحوا فيها!! 

  

:)

ها يا سارة يا قمر.. انبسطتي!!
شكرًا لمشاركتي الغرف ، وان شاء الله أول ما تجي جدة أشاركك غرفتي الحقيقية..
قُبــ  :* ـــل ألف على جبينك.. 

وأخيرًا..
عاش الجيران في المدينة الفاضلة جيران بمنتهى الود والحب..
كل يوم تصير المشاوير والزيارات ويتقارب البعض ويتآلف وتتكون الصداقات..
هذه هي حكاية مدينتنا جيران..  

سلام مكوكي..