صباح / مساء الفن والجمال...
هذه المرة خانني عنوان المقال،
لكن هذه المرة أستمحيكم عذرًا!!
فليست كل الأقلام كــ قلمه العذب ، وليست كل القلوب كــ قلبه النقي ، وليست كل العقول كــ عقلك يا صديقي.. :(
.
.
آسفة لو كنت قد استغرقت دهرًا حتى أعدّ لك هديتك..
لكن احترت حيرة ما بعدها حيرة..
فكيف بالهدية أن تضاهي المهدى له..
كيف بالهدية أن تعجبه ، و"دا" اللي شلت همّه.. :(
.
.
.
عزيزي محمد..
لوحتي أو بالأصح لوحتك تختبئ وراء الصورة..
الصورة دي اسمها life of the gifted..
and i wish you life full of gifts
.
.
.
.
ماجيك..
كنت أنتظر عودتك لأهديك..
والآن أنتظرك هنا لأعرف رأيك..
<< خايفة يكون التصميم ما عجبك..
.
.
.
سلام مكوكي..
.
.
حبيت أنبه بس انه تصميم ماجيك سيظهر لك عند الضغط على الصورة الموجودة في المقال..
شكرًا لتنبيهي.. :(
الاحد, 12 نوفمبر, 2006
السبت, 04 نوفمبر, 2006
وأخيرًا قابلتهم على أرض الواقع..
قابلت أجمل وأرق مدونات الغربية..
بدأ الموضوع على النحو التالي..
وصلتني دعوة للمشاركة في واحدة من الاجتماعات واللقاءات اللي بتنظم ويكون هدفها في الأصل التعارف وتكوين صداقات جديدة.. :)
نظّمت اللقاء كل من خولة وسلوى..
كان يوم الخميس صباحًا الساعة 11 ، وفي وحدة من مطاعم جدة المشهورة الي هو كاسبر آند غامبينيز..
بالنسبة لي كان اول لقاء لهم واول مرة ادخل المطعم..
المكان كان شرح ويفتح النفس ، الجدران أغلبها زجاج ويدخلها الضوء من كل جانب وأنا أعشق النور..
طبعًا انا نازلة من بدري شوية مريت صاحباتي أخدتهم ومعايا أخواتي ونزلنا..
وصلنا بعد الموعد بخمس دقائق فقط.. وأنا مرة آكلة في نفسي حكاية الخمسة دي.. << وحدة ما تحب التأخير..
دخلنا وشفت وحدة جالسة بالطاولة الكبيرة اللي بوجه الباب..
بس انا جا ببالي انها وحدة جايه مع أهلها.. بصراحة البنوتة نايس وصغيرة ومو شكلها كبير..
دقتني صديقتي وقالت لي أنا أراهنك باللي تبغيه انه دي خولة.. قلت لها ما أظن..
طلعت جوالي من حقيبتي الكبيرة << راح اعمل موضوع عنها ، احب احط فيها كل شيء تحسبًا للطوارئ
اتصلت على العزيزة خولة وتفاجأت انه هناك رنين بيصدر من الفتاة الجميلة الجالسة أمامي..
عرفت انه هي وابتسمت في وجهها ورحت سلّمت عليها..
تحادثنا قليلًا وتعارفنا ، اكتشفت انها فتاة حلوة المعشر ومرة "كيوت".. :)
بعد فترة دخلوا خمسة بنات وقلنا دول بنات بيت المال..
انا وخولة قلنا هم ، وصرنا نوايق بالبنات وهم يقولوا همّا؟ واحنا نقول احنا..
سلمنا على بعض واتعارفنا على بعض..
اسراء وسمية وسارة وحنين ورابعة.. بنات لطيفات للغاية.. استمتعت بجلستهم ورقتهم..
بعدها جات سلوى وبعدها د.سارة وسحابة وأختها وغادة خالد..
صرنا كم بنت ، صرنا 12 بنت وأكبر طاولة في المطعم..
بدينا نطلب طلبات الفطور.. يعني محسوبتكم جاية من مكة دايركت على فنجان قهوة وبديت أجوع.. :(
أنا عن نفسي طلبت عصير برتقال وساندويتش ود.سارة طلبت وافل وعصير ليمون لونه أخضر مدري كيف..
دي صورة عصيري وعصير سارة وأكلنا.. ^_^
ودا أوردر اسراء بس ما لحقنا نصوره وهو سليم..
اسراء عملت عليه غارة جوية ألحقت فيه ضرر جسيم وبالغ..
I.jpg)
ودي شوية من طلبات البنات..
بس مين جيعان؟ << وحدة جالسة تستمتع بالتعذيب.. p:
دا اذا م خاب ظني تبع حنين
II.jpg)
ودا ماني فاكرة طلب مين بس أظنه سلطة سمية..
البسكوتة اللي قد نص الريال دي هي فطور خولة
ودي كمان شوية صور أخدناها واحنا على الطاولة..
.jpg)
طبعًا قعدنا نتعارف زي الناس وكل حاجة واتبادلنا ارقامنا وميلاتنا..
بس لاحظت حاجة مهمة.. المدونين في جيران قليل جدًا ما يكون عندهم معارف من بلوقرز أو تداوين او بلوق سبوت أو غيرهم..
يمكن عشان كدا أنا نص البنات دول ما أعرفهم.. :(
يعني لو مو الجميلة إلهام ومدونتها الرائعة تداوين ما كان عرفنا بعض ولا كان ندري عن أحد من الطرف الآخر من العالم..
انا طلعت مرة بدري..
بس لإنه أخواتي وصديقاتي جلسوا يستنوا بالسيارة يبغوا يروحوا مكان تاني..
اضطريت اطلع مع انه الجلسة كانت ممتعة للغاية..
وان شاء الله تكون كل لقاءاتنا كدا..
بجد زي ما قالت د.سارة انه اللقاء كان
يا رب تكون لقاءاتنا فاتحة خير وبداية صداقة جميلة..
سلام مكوكي..
<<الصفحة الرئيسية